Hetimi ndaj Fredi Belerit, kryebashkiakut të Himarës, që fitoi zgjedhjet në 14 maj, do të zgjasë me vite. Paralajmërimi është bërë në emisionin “Noë” nga eksperti i sigurisë, Ilir Kulla, sipas të cilit lidhur me çështjen ka përplasje politike.
“Për arrestimin e Belerit nuk mund të heqim faktin që ka një përplasje politike. Duhet të jemi realist se kur u bë reforma në drejtësi nuk u prek kodi i procedurës.
Ka shumë njerëz si Fredi Beleri që thjesht për çështje procedurash, rrinë burgjeve deri sa të presin gjykimin dhe më pas mund të dalë i pafajshëm.
Procedurat te ne janë të tmerrshme. Janë 18 prokurorë që kanë pa fund dosje. Në rastin më të mirë të Fredi Belerit do të duhet t’i kaloj të gjitha shkallët që thamë, të paktën duhet të rrijë disa muaj deri sa të vijë radha.
Hetimi i çështjes dhe gjyqi i Belerit ka për të zgjatur me vite”, tha Kulla.
Discussion about this post