Jeni nga ata njerëz që rri pezull mbi WC-në në tualetet publike për të shmangur mikrobet? Epo, rezulton se kjo praktikë mund të sjellë më shumë dëm sesa t’ju hyjë në punë.
Fizioterapistja Stephanie Bobinger paralajmëron se qëndrimi pezull mund të shkaktojë mosfunksionim të dyshemesë së legenit, që mund të shkaktojë kapsllëk, pamundësi për të mbajtur urinën dhe dhimbje. Për më tepër, qëndrimi pezull mund të shkaktojë infeksione nëse urina nuk zbrazet siç duhet nga fshikëza.
Sipas Banner Health, ndenjësja e tualetit ka vetëm rreth 50 baktere për afro 2 centimetër katror. Ky është një numër i vogël në krahasim me 45 miliardë baktere në sfungjerin e kuzhinës.
Nëse nuk keni një plagë të hapur në lëkurë ose nëse organet gjenitale nuk prekin drejtpërdrejt me ndenjësen, nuk ka gjasa të merrni asnjë infeksion.
Përveç faktit që restorantet dhe vendet e tjera publike i pastrojnë tualetet çdo ditë, mikrobet në ndenjësen e tualetit nuk kanë tendencë të jetojnë shumë gjatë. Shtojmë gjithashtu se lëkura juaj është një pengesë natyrale kundër infeksioneve.
Thjesht fshijeni WC-në nëse është e lagësht, ose përdorni letër si në foto:
Gjëja më e rëndësishme që mund të bëni për të qëndruar të shëndetshëm në një banjë publike është të lani duart me sapun për të paktën 20 sekonda. Dhe mos harroni të përdorni një letër për të mbyllur rubinetin.
Pra, herën tjetër që do të jeni në tualet publik, merrni frymë thellë dhe uluni./SHQIP
Discussion about this post