As një, as dy, por njëmbëdhjetë kilogramë heroinë janë gjetur nga policët e Prokurorisë së Narkotikëve të Selanikut në Korydallos!
Si u gjet heroina jashtë shtëpisë së një 26-vjeçari shqiptar?
Një informacion që ka mbërritur në zyrat Policisë thotë se një person i quajtur “Alexis” me banim në një adresë të caktuar në Korydallos, merret me sasi të heroinës dhe kanabisit, kryesisht në zona të Atikës Perëndimore.
Është organizuar një operacion dhe i riu është arrestuar sapo ka dalë nga shtëpia. Në një hetim të kryer nga policia, u gjetën pakot me drogë të fshehura në shkurre.
“Nëse kjo sasi heroine do të arrinte në tregjet e të varurve nga droga dhe pasi kishte kaluar falsifikimin përkatës, mund të sillte një fitim mbi treqind mijë euro”, thotë një oficer policie me përvojë të madhe në rastet e drogës.
I riu thuhet se pranoi se ishte përdorues i kanabisit, por nuk dinte asgjë për heroinën. “Nuk kam asnjë lidhje me heroinën që më është gjetur përreth shtëpisë. Nuk është e imja dhe nuk e di se si arriti atje. Ky vend i veçantë ndodhet jashtë oborrit të shtëpisë sime dhe mund të aksesohet nga kushdo. Dyshoj se mund të jetë vendosur në atë vend të caktuar nga njerëz të tjerë me të cilët kam mosmarrëveshje personale dhe që dëshirojnë të më dëmtojnë. Nuk dua të përmend askënd, pasi nuk kam prova kundër një personi të caktuar dhe për më tepër kam frikë për integritetin tim fizik”.
Ndaj tij është ngritur padia dhe është dërguar te prokurori publik i cili me kallëzim penal e ka dërguar tek hetuesi. Mirëpo, në gjykatën e Pireut, vendimi i hetuesit dhe prokurorit për të mos arrestuar të riun, ka qenë temë diskutimi mes avokatëve të ndryshëm, të cilët kanë kërkuar të dinë arsyetimin e funksionarëve të drejtësisë.
Avokati mbrojtës i 26-vjeçarit, kriminologu i njohur Yiannis Glykas, u shpreh për “vendimin e hetuesit me mendimin përkatës të prokurorit si një hap historik dhe një përgjigje në çdo drejtim!
Discussion about this post