Beleri në burg për ndëshkim apo dënim? Ja çfarë thotë Karamuço apo Kulla

Eksperti i sigurisë, Ilir Kulla, tha në emisionin “Zonë e Lirë” se mbajtja në burg e Fredi Belerit është e pakuptimtë.

Kulla tha se duke parë rrethanat, shtrohen pyetjet: “a mund të ikë Fredi Beleri ose a mundet ai të ndikojë në procesin e hetimit?  Dhe a mundet ai ta ushtrojë detyrën e kryebashkiakut, deri ka fituar zgjedhjet?”.

Kulla tha se kjo që po ndodh me Belerin apo me Gjicin, mund të ndodhë më vonë edhe me të tjerë dhe mendoj se nuk jemi në një situatë normale, përderisa nuk nuk ka një vendim të formës së prerë që këta të dënohen.

Ndërkohë eksperti kriminalistik, Ervin Karamuço, tha se ajo që shtrohet sot është duhet dënim apo ndëshkim.

“Në rastin e ndëshkimit, i lenë në paraburgim dhe kur vjen çështja e gjykimit dalin të pafajshëm”, tha Karamuço. Sipas tij, në rastin e Fredi Belerit kemi një vakuum ligjor, pasi ligji parashikon që nëse 3 muaj nga momenti i betimit nuk shkon në detyrë, humbet mandati, por Belerin nuk e lanë të betohet, ndaj dhe kemi një vakuum.