Erjona Rusi dhe Flori Gjini bashkë prezantojnë emisionin “Shqipëria Live” dhe kanë treguar se kanë një marrëdhënie shumë të ngushtë me njëri-tjetrin. Por, para pak kohësh në mediat rozë, u përfol se ata nuk flisnin me njëri-tjetrin. Fansat filluan të aludojnë për një zënkë mes tyre për shkak se kishin hequr njeri-tjetrin nga Instagrami.
Por si qëndron e vërteta? Kanë qenë vetë ata, që kanë sqaruar raportin e tyre gjatë emisionit të ditës së sotme, dhe nuk qenka aspak ashtu siç dukej.
“Emisionet tona janë të forta, dhe pas një teme shumë të fortë, Instagrami im është sulmuar”, tha Flori Gjini, duke shpjeguar se ai po mundohet të përdori sa më pak Instagramin. “Me rikthimin, unë Erjonës i kisha bërë folloë, dhe ngaqë Erjona nuk e përdor Instagramin aq shumë, më kishte lënë tek request”, sqaroi më tej ai.
Nga ana tjetër, Erjona tha se ka gjëra më të rëndësishme në Shqipëri, se ata të dy. Sipas tyre, kjo kishte qenë arsyeja, që ata nuk kishin reaguar dhe e kishin shtyrë. Të dy thanë se nuk zihen, por diskutojnë, lidhur me punën. Të dy ata kanë treguar se vazhdojnë të mbeten miq dhe kolegë shumë të mirë.
Discussion about this post