Inspektime në 238 subjekte për kushtet higjeno-sanitare

Ekipi i Task-Forcës së Autoritetit Kombëtar të Ushqimit ka kryer në total 238 kontrolle në 12 Qarqet e vendit dhe janë marrë masa administrative ndaj disa subjekteve për sigurinë ushqimore përgjatë sezonit veror.

Kjo fushatë ndërgjegjësuese, por dhe kontrolli për sigurinë ushqimore po bëhet për mbrojtjen e shëndetit të konsumatorit dhe pushuesve vendas e të huaj.

AKU i bën thirrje operatorëve, të cilët ushtrojnë aktivitetin e tyre në fushën e ushqimit, të respektojnë me përpikmëri rregullat e parashikuara pasi nuk do të ketë asnjë tolerim kur konstatohen shkelje.

Objekt i kontrolleve nga Task-Forca janë  kushtet higjieno-sanitare, kushtet e magazinimit dhe tregtimit të produkteve ushqimore.