Lundrimet nga Durrësi për në Bari dhe anasjelltas janë anuluar mbrëmjen e sotme, deri në një njoftim të dytë. Lajmin e ka bërë të ditur, me anë të një postimi në Facebook, Autoriteti Portual Durrës, i cili shkruan se lundrimet janë anuluar për shkak të motit të keq, duke shtuar se pritet të rifillojnë ditën e nesërme, nëse kushtet meteorologjike përmirësohen.
“Njoftojmë të gjithë pasagjerët që kanë rezervuar lundrimin mbrëmjen e sotme nga Porti i Durrësit drejt Barit, se për shkak të motit nuk do të ketë lundrime mbrëmjen e sotme, as nga Durrësi drejt Barit, as anasjelltas. Lundrimet pritet të rifillojnë ditën e nesërme, dt.26.11.2021, në varësi të kushteve të motit. Kompanitë e lundrimit do të garantojnë njoftimin dhe rimbursimin e biletës sipas kërkesave të udhëtarëve”, thuhet në njoftim. Meteorologët kishin parashikuar se gjatë kësaj jave vendi ynë do të përfshihej nga moti i ftohtë dhe stuhi shiu.
Discussion about this post