Mbreti i Britanisë së Madhe, Charles i Tretë, do të takohet me presidentin e Shteteve të Bashkuara të Amerikës, Joe Biden në Windsor Castle më 10 korrik, lajmi u bë i ditur nga një zëdhënës i Buckingham Palace.
Zëdhënësi u shpreh se detaje të mëtejshme do të publikohen në kohën e duhur në lidhje me takimin që do të zhvillohet në një nga rezidencat e Charles III, jashtë Londrës, shkruan Reuters.
Shtëpia e Bardhë deklaroi të dielën se Biden do të udhëtojë në Europë më vonë këtë muaj për takime në Britani, Lituani dhe Finlandë. Në Londër ai do të takohet edhe me kryeministrin britanik Rishi Sunak.
Biden mori pjesë në funeralin e nënës së Charles, Mbretëreshës Elizabeth II, vitin e kaluar dhe iu bashkua mbretit të ri dhe udhëheqësve të tjerë për një pritje në mbrëmje para ceremonisë.
Discussion about this post