Papa Françesku ka reaguar i indinjuar për djegien e Kuranit në Suedi. Në një intervistë me drejtorin e gazetës së Emirateve të Bashkuara Arabe Al Ittihad, Hamad Al Kaabi, ai tha se çdo libër që konsiderohet i shenjtë nga njerëzit e tij duhet të respektohet
“Jam i indinjuar dhe i neveritur nga veprime të tilla. Çdo libër që konsiderohet i shenjtë nga njerëzit e tij duhet të respektohet nga respekti për ata që besojnë në të. Liria e shprehjes nuk duhet të përdoret kurrë si justifikim për të ofenduar të tjerët”.
Kreu i Vatikanit përsëriti se horoskopët dhe fallxhorët nuk mund të jenë pikë referimi për të krishterët, duke paralajmëruar kundër besëtytnive.
“Ka nga ata që e imagjinojnë atë si një lloj magjistari që parashikon të ardhmen, por kjo është një ide supersticioze. Të krishterët nuk besojnë në bestytni si magjia, letra, horoskopi apo gjëra të ngjashme”, nënvizoi Papa.
Kjo nuk është hera e parë që Papa flet kundër atyre që pretendojnë se parashikojnë të ardhmen duke i dhënë kështu zgjidhje iluzore jetës së të tjerëve. Para disa vitesh thoshte: “Kur njeriu nuk kapet pas fjalës së Zotit, por për të pasur më shumë siguri konsultohet me horoskopët dhe fallxhorët, fillon të shkojë deri në fund. Dhe nëse një i krishterë e lë veten të ndikohet nga kjo lloj gjëje do të thotë që besimi nuk është aq i fort”ë, paralajmëroi ai.
Në udhëtimin e tij në Afrikë në fillim të këtij viti, ai preku temën delikate të magjisë.
Duke folur me të rinjtë në Kinshasa, Republika Demokratike e Kongos, ai i paralajmëroi ata jo vetëm për drogën, por edhe për “varësinë ndaj okultizmit dhe magjisë, të cilat ata i mbyllin në dhimbjet e frikës, hakmarrjes dhe zemërimit.
“Ju lutem, mos lejoni që të magjepsen nga falsiteti parajsat egoiste, të ndërtuara mbi pamjen e jashtme, mbi fitimet e lehta ose mbi fenë e shtrembëruar. I krishteri mund të jetë me të vërtetë një profet sepse në sajë të Pagëzimit, ai i ndihmon të tjerët të lexojnë të tashmen nën veprimin e të Shpirtit të Shenjtë. Kjo është shumë e rëndësishme: lexoni të tashmen jo si kronikë, por nën veprimin e Frymës së Shenjtë, i cili ndihmon për të kuptuar planet e Zotit dhe për t’u korresponduar me to. Me fjalë të tjera, profeti është ai që ua vë në dukje Jezusin të tjerëve, që dëshmon për të, që ndihmon për të jetuar sot dhe për të ndërtuar të nesërmen sipas planeve të tij. Prandaj të gjithë jemi profetë” , tha Papa në takimin në Stadiumin e Martirëve në kryeqytetin kongolez.
Discussion about this post