Presidenti ukrainas Zelensky ka paralajmëruar se ekziston një rrezik serioz që Rusia mund të shkaktojë një shpërthim të kontrolluar në termocentralin bërthamor të Ukrainës, Zaporizhia, potencialisht i aftë për të lëshuar rrezatim.
Ndërkaq edhe nënkryetari i Këshillit të Sigurisë Ruse, Dmtry Medvedev është shprehur se “Apokalipsi bërthamor është mjaft i mundshëm”.
“Unë do të tregoj diçka që politikanët e të gjitha shtresave nuk u pëlqen ta pranojnë: një apokalips bërthamor është mjaft i mundshëm.”
Nënkryetari i Këshillit të Sigurisë Ruse, Dmtry Medvedev ka shkruar në Telegram, sipas të cilit ekzistojnë të paktën dy arsye që e afrojnë luftën bërthamore.
“Së pari: konfrontimi është shumë më i keq se ai i krizës së raketave Kubane, sepse kundërshtarët tanë kanë vendosur të mposhtin fuqinë më të madhe bërthamore: Rusinë.
Ata janë pa dyshim, idiotë të çmendur, por kështu është”.
Arsyeja e dytë, sipas Medvedev, “është mjaft banale: armët bërthamore tashmë janë përdorur nga dikush, që do të thotë se ato nuk janë tabu”.
Por nga ana tjetër, NATO “ka plane”, megjithëse “jo specifike për Zaporizhzhia”, për të “reaguar” ndaj një aksidenti bërthamor nëse rusët kryejnë një provokim. Kështu deklaroi zëvendësshefi i shtabit operacional të SHAPE, gjeneralmajor Matthew Van Wagenen.
“Në fillim të konfliktit ne kishim inteligjencë të mirë për grumbullimin e trupave ruse dhe kam besim se do të ishim në gjendje të shihnim se çfarë po ndodh në Zaporizhzhia dhe të reagonim në kohën e duhur”, tha kryetari i Komitetit Ushtarak të NATO-s, Admirali Rob Bauer.
Discussion about this post