Nga Foltorja e Kuvendit, ish-Kryeministri Sali Berisha ka hedhur akuza të forta lidhur me mënyrën se si drejtësia po vepron.
“Kjo nuk është dita e drejtësisë, çfarë të themi, si mund të jetë dita e drejtësisë. Kjo është dita e turpit! Merret dhe arrestohet Gjushi, po Erion Veliaj më thoni pak, a nuk është Erion Veliaj shumëfishi i Gjushit? A nuk është Erion Veliaj njeriu që po tradhëton qytetarët e Tiranës. 18 euro më shumë për djegësin e tij që nuk ekziston mbi tokë.
A nuk është Erion Veliaj që thoshte SKAP-in e kam në dorë, dhe do t’ia vërsul Dukës së futbollit? A nuk është Erion Veliaj që i dalin pallatet brenda natës. Është, apo jo? i Arben Malokut, e tjetrit, tjetrit me radhë”, tha Berisha.
Reagimet e ish-Kryeministrit vijnë në një kohë kur në Kuvend po paraqesin raportet vjetore institucionet e drejtësisë nga KLGJ, KLP, SPAK e me rradhë.
Duke iu drejtuar Ulsi Manjës, ministrit të Drejtësisë, Berisha i tha se krimi i tij elektoral do ndëshkohet.
“Ja po ta them këtu. Ty, se 10 herë më mirë të ishte Ymer Lala në atë vend, se sa ti, të jesh i qartë. Është më i sinqertë ai, se ti je dhe hipokrit.
Ndaj edhe, Në cilën drejtësi vini këtu në parlament, më thoni ju mua? Ç’lidhje keni ju me drejtësinë? Absolutisht që të gjithë jeni kontigjent me 313 me veprat tuaja që keni kryer. Prandaj edhe bërtisni: rroftë drejtësia! Se për ju dosjet mbyllen, se për ju nuk ka dosje, se per ju nuk guxojnë”, tha Berisha.
Discussion about this post