Rama publikon foton me Clinton: Ju pres të gjithëve te Kryeministria

Kryeministri Edi Rama ka publikuar në rrjet një foto me ish-Presidentin amerikan Bill Clinton, i cili po zhvillon një vizitë në Tiranë.

Ndërsa e konsideron si mikun e përjetshëm të shqiptarëve, Rama fton shqiptarët ti bashkohen te Kryeministria për të dëgjuar mesazhin që do të japë ish-Presidenti amerikan.

“Rinas – Me presidentin Bill Clinton, mikun e përjetshëm të kombit shqiptar, i cili sapo shkeli për herë të parë në Shqipëri. 
*Jeni të mirëpritur të gjithë tek Kryeministria, sot në 18:30 për ceremoninë e mikpritjes së Presidentit Clinton dhe adresimin e tij për të gjithë shqiptarët” shkruan Rama