Kreu i FRPD-së, Besart Xhaferri, përmes një postimi në rrjetet sociale, ka zbuluar prapaskenat lidhur me bashkimin e votave mes deputetëve të PD-së zyrtare, që i etiketon si Bashistë, me ata të Rilindjes së Edi Ramës.
Xhaferri shkruan se kjo është arsyeja që Taulant Balla shprehet i sigurtë se në Kuvend kanë 94 votat për miratimin e ligjeve me shumicë të cilësuar.
“Balla la të kuptohej se Avokati i Popullit është pazari i radhës mes Ramës dhe Bashës, i cili bashkë me shpurën e tij nuk përfaqëson më demokratët, por bën vetëm pazaret e fundit në emër të sakrificës dhe mundit tyre.
Basha dhe Rama janë në një pakt për asgjësimin e opozitës reale, ndaj nuk do përbëjë surprizë që në vijim të dëgjojmë propozime përtej së majtës dhe së djathtës për ndryshime të reja kushtetuese me objektivin e vetëm, hedhjen e themeleve të Autokracisë”, shkruan i riu demokrat.
Postimi nga Besart Xhaferri
Nga e gjen sigurinë Taulant Balla për 94 vota në Parlament?
Taulant Balla, sot në fjalën e tij jashtë Parlamentit konfirmoi se mazhoranca i ka 94 vota në Parlament, të nevojshme për të miratuar ligje me shumicë të cilësuar.
Balla sot konfirmoi se dhe takimet private me Lulzim Bashën nuk kanë shkuar dëm, duke konfirmuar afrimin e tij me mazhorancën, që i mundëson kësaj të fundit kuorumin prej 94 votash, i domosdoshëm për miratimin e çdo ligji që forcon mazhorancën dhe minon demokracitë.
Lulzim Basha dhe ai numër i vogël deputetësh Bashistë që i kanë mbetur atij në dorë, deri në 2025 do jenë zëvendësuesit në Parlament të deputetëve të modelit “Këpërata”, që mazhoranca e Edi Ramës i keqpërdori për të miratuar ligje, që ishin kostume të prera vetëm për konstruktin e mazhorancës.
Balla la të kuptohej se Avokati i Popullit është pazari i radhës mes Ramës dhe Bashës, i cili bashkë me shpurën e tij nuk përfaqëson më demokratët, por bën vetëm pazaret e fundit në emër të sakrificës dhe mundit tyre.
Basha dhe Rama janë në një pakt për asgjësimin e opozitës reale, ndaj nuk do përbëjë surprizë që në vijim të dëgjojmë propozime përtej së majtës dhe së djathtës për ndryshime të reja kushtetuese me objektivin e vetëm, hedhjen e themeleve të Autokracisë.
Nuk do t’ia arrijnë, do të dështojnë!
Discussion about this post