City ndryshon mendje për Sterling

Raheem Sterling është një nga emrat më të diskutuar të merkatos së janarit, ndonëse do mbi një muaj që ajo do të fillojë.

Lojtari i Kombëtares angleze nuk po gjen minuta aktivizimi te Manchester City dhe për këtë arsye ai po shikon çdo mundësi tjetër, qoftë ajo edhe largimi nga ‘Cititzenët.

Në një kohë kur nga Barcelona po shfaqet një interes shumë i lartë për të, City raportohet nga ‘The Sun’ po ndërmerr një hap të papritur.

Sipas kësaj mediaje klubi anglez ka vendosur të rinovojë kontratën me mesfushorin, i cili ende ka edhe 18 muaj afat deri në skadimin e marrëveshjes aktuale.

Më tej shtohet se City ka ndryshuar mendje në lidhje me Sterling dhe tashmë po tentojnë ta bindin që të nënshkruaj kontratën e re në ‘Etihad’.

Lojtari i ‘Tre Luanëve’ e ka këtë sezonin e shtatë me Cityn, ku deri tani ka zhvilluar 309 ndeshje dhe ka shënuar 118 gola. /K.T/Gijotina.com