Lajmi në përditësim…
Një ngjarje e rëndë mësohet se ka ndodhur në Vlorë. Pamela Mërtiri 34 vjeçe, raportohet të jetë hedhur nga pallati së bashku më fëmijën e saj. Burimet informojnë se gruaja dhe fëmija 1-vjeç janë dërguar menjëherë në spital, por pavarësisht ndihmës së dhënë, kanë ndërruar jetë për shkak të plagëve të shumta.
Lidhur me këtë ngjarje policia tha zyrtarisht se: “ Sot më datë 26.11.2021, rreth orës 12:30, në lagjen “Pavarësia 2”, shtetasja Pamela Mërtiri, 34 vjeçe, dyshohet se është hedhur së bashku me fëmijën e saj të mitur K. N., 1 vjeç, nga sheshpushimi i katit të një pallati dhe për pasojë kanë ndërruar jetë”.
Nuk dihen ende shkaqet e kësaj ngjarjeje, teksa po punohet për të mësuar më shumë. Burimet nga policia e Vlorës bënë me dije se menjëherë ka nisur puna për zbardhjen e plotë të kësaj ngjarje të rëndë, duke marrë në pyetje të afërmit e viktimave. Sipas bluve të qytetit bregdetar, në polici janë shoqëruar disa persona që po japin shpjegime.
Po ashtu, grupi hetimor po heton në vendin e ngjarjes, ku nga dëshmitarët dhe banorët e pallatit, mësohet se gruaja që u hodh bashkë me vajzën nuk jetonin në pallatin, ku ndodhi tragjedia. Gruaja mësohet se u hodh nga sheshpushimi i katit të pestë të pallatit.
Dëshmitarët në vendin e ngjarjes kanë shpjeguar se gruaja kishte hipur në sheshpushimin e katit të pestë, ku është hedhur bashkë me fëmijën e saj. Mësohet se 34-vjeçarja jetonte në Tiranë dhe sot kishte mbërritur në Vlorë.
Discussion about this post