Gazetari Eni Ferhati u shpreh mbrëmjen e sotme se Policia e Shtetit ka kthyer si prioritet të punës së saj luftën ndaj “ndotjes akustike”, ndërkohë që kemi ngjarje të rënda kriminale.
Nga studio e emisionit “Në Shënjestër”, Ferhati tha se sot kemi punonjës të policisë që angazhohen për volumin e muzikës në locale, ndërkohë që ka me dhjetra inspektoriate që mund ta bëjnë këtë punë.
“Janë ngjarje të rënda kriminale që kanë ndodhur dhe janë pa u zbuluar. Keni vrasjen e dyfishtë në Shkodër, keni ngjarjen në Larushkë ku u vra një person dhe u plagosën dy fëmijë. Keni ngjarjen e “Don Bosko” që u ri-arrestua një person që ndodhej në burg, keni ngjarjen në “Top Channel” ku mbeti i vrarë roja. Janë krime të rënda, ende të pazbardhura”, tha Ferhati.
Sipas tij, policia është e angazhuar në luftën ndaj kanabisit, ku qindar policë i ngjiten maleve për të gjetur parcelat, ndërsa krimi godet, madje duke mos kursyer as fëmijë.
Discussion about this post