Mbreti Charles III u kurorëzua ditën e sotme në Skoci, në një ceremoni madhështore por gjithsesi vëmendjen e mori çifti Kate Dhe William.
Sipas fotove të publikuara nga Daily Mail, Kate i dha Princit William një përkëdhelje të butë në të pasmet teksa ata shoqëronin Charles dhe Camilla në kurorëzimin skocez të Mbretit.
Çifti nuk shihet shpesh duke qenë të afërt në publik, dhe sigurisht këto momente tërheqin shumë vëmendje.
Më parë Mbreti Charles dhe Mbretëresha Camilla udhëtuan nga Pallati i Holyroodhouse në katedrale, ku u mblodhën figura kryesore nga jeta civile skoceze.
William dhe Kate, të cilët gjithashtu mbajnë titujt Duka dhe Dukesha e Rothesay në Skoci, iu bashkuan procesionit mbretëror dhe hynë në kishë pas monarkut dhe gruas së tij.
Ceremonia u ndoq nga ministri i parë skocez Hamza Yousaf, lideri konservator skocez Douglas Ross, liderja laburiste Anna Sarwar dhe lideri skocez Liberal Demokrat Alex Cole-Hamilton.
Shërbimi përfshiu aspekte të traditës mbretërore skoceze shekullore së bashku me shtesa të reja si pjesë muzikore të shkruara posaçërisht për këtë rast, një psalm të kënduar në gjuhën galike dhe përdorimin e fragmenteve nga Dhiata e Re në gjuhën skoceze./SHQIP
Discussion about this post