Gjokë dhe Eduart Gurra, babë e bir, u ekzekutuan në një pritë në zonën e Dukagjinit, teksa po shkonin të shihnin dëmet që i ishin shkaktuar banesës së tyre në fshatin Sumë, nga një zjarr që ishte vendosur një natë më parë se të vriteshin.
Policia ende nuk ka një autor për ngjarjen, ndërkohë që po hetohet në dy pista: konfliktet për tregtimin e lëndëve drusore dhe parcelat me kanabis.
Gazetarja Klodiana Lala në emisionin “Log.” U shpreh se njëri nga viktimat ka qenë kryeplak i fshatit ku ndodhi ngjarja dhe dyshohet se mund të ketë informuar policinë për mbjelljen e kanabisit në këtë zonë.
“Për vrasjen e babë e bir dyshohet sërish kanabisi. Dyshohet se babai për shkak se ka pasur detyrën e kryeplakut ka sinjalizuar për kanabisin. Këto janë dyshime. Është edhe një pistë tjetër që ka të bëjë me konfliktet për lëndët drusore. Janë pra dy pista”, deklaroi ai.
Discussion about this post