Përplasen dy makina në Vlorë, tre të plagosur

Një aksident ka ndodhur mesditën e sotme në Vlorë, ku tre persona kanë mbetur të lënduar nga përplasja e dy makinave.

Sipas njoftimit, në vendin e quajtur Jonufer-Vlorë, një automjet tip “Audi” me drejtues G.Ll., 27 vjeç, banues në Vlorë, është përplasur me një automjet tip “Benz” me drejtues një 59-vjeçar, banues në Himarë.

Si pasojë janë dëmtuar të dy drejtuesit e mjeteve dhe pasagjerja që ndodhej tek automjeti tip “Benz”, të cilët janë transportuar në spitalin e Vlorës dhe ndodhen jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.