Nënkampionët e Gjermanisë, Borussia Dortmund mësohet nga mediat angleze se kanë hequr dorë nga ideja për të transferuar yllin e Manchester United, Jaden Sancho.
Javën e kaluar u raportua se “verdhezinjtë” gjermanë po mendonin të bënin një ofertë për ta marrë si të huazuar Sanchon, por mesa duket ata hoqën dorë shpejt nga synimet e tyre dhe me shumë gjasa do të fokusohen te futbollistët e tjerë.
Sancho kaloi 4 vjet në “Signal Iduna Park” përpara se të bënte lëvizjen e tij shumë milionëshe te Manchester United. Ai ishte ylli i skuadrës së Borussias dhe të gjithë i parashikuan një të ardhme të ndritur në rikthimin e tij në Premier League.
Megjithatë, kjo nuk ndodhi kurrë. Sancho nuk ka qenë kurrë në gjendje të tregojë se çfarë është në gjendje të bëjë nën drejtimin e asnjë prej trajnerëve që kanë ndryshuar duart në “Old Trafford”.
Sezoni i kaluar, ishte më i forti për Jaden Sanchon, që kur ishte lojtar i “Djajve të Kuq” dhe shënoi vetëm 6 gola dhe 3 asistime në 26 ndeshje. Megjithatë, këto shifra janë aspak të mjaftueshme për një futbollist që kushton 85 milionë euro.
Nëse performancat e Sanchos nuk fillojnë të përmirësohen, Erik ten Hag mund të vendosë të ndahet me të në të ardhmen. Për momentin, megjithatë, ai ende beson se Sancho mund të rizbulojë formën e tij më të mirë.
Discussion about this post