UEFA i ka dhënë fund të gjitha dyshimeve rreth pjesëmarrjes në kupat e saj të klubeve të ndryshme në kontinent, të cilat kanë konflikt interesi në garat e saj pasi janë nën pronësi të të njëjtit pronar. Një diskutim që lindi me Milanin dhe jo vetëm, pasi edhe klube të tjera si Brajton e Aston Villa kishin të njëjtin problem.
Nëpërmjet një komunikate zyrtare, UEFA bëri të ditur qëndrimin e saj rreth bashkëpronësive duke zgjidhur çështjet që mund të bëheshin problem në hedhjen e shortit për klubet e mëposhtme:
– Aston Villa (Angli) dhe Vitoria (Portugali)
– Brajton (Angli) dhe Royal Union SG (Belgjikë)
– Milan (Itali) dhe Tuluzë (Francë)
Secili prej këtyre çifteve të skuadrave kishte të njëjtët pronarë por UEFA bëri të ditur se klubet ishin ristrukturuar në mënyrë të tillë që të mos kishte më konflikt interesi ndaj të gjithave u jepej leje që të luanin në kompeticionet ndërkombëtare në këtë edicion.
Njëkohësisht, klubet nuk do të bashkëpunonin me njëri-tjetrin në mënyrë direkt apo indirekte duke transferuar apo huazuar lojtarë deri në shtatorin 2024, teksa nuk do të bënin akorde direkte apo indirekte financiare apo sportive në këtë periudhë.
Discussion about this post