Kryeministri Edi Rama ishte në Podgoricë pasditen e sotme në kuadër të takimeve që po zhvillon në vendet e Ballkanit për të rikthyer në qendër të vëmendjes procesin e Berlinit.
Në konferencën e përbashkët për shtyp me Dritan Abazoviç, Rama i ka përmendur malazezëve Oso Kukën.
“E njihni ju Oso Kukën këtej nga Mali i Zi apo jo? Keni me siguri ndonjë Oso Kukoviç që është futur në kullë ka luftuar me të gjitha perandoritë dhe është vrarë heroikisht”, deklaroi Rama.
Nuk dihet nëse Rama ka bërë një gafë apo ishte një provokim që mund ta vendosë sërisht në qendër të vëmendjes.
Oso Kuka është një luftëtar shkodran që vdiq në luftë kundër malazezëve.
Gjergj Fishta te Lahuta e Malsisë shkruan “komandanti malazez Vula Radoviq e mori vesh disfatën që i ishte shkaktuar trupave të tij nga çeta e Oso Kukës dhe menjëherë dërgoi një numër të konsiderushëm ushtarësh prej 800 vetësh, që të mernin nën kontroll Kullën e Vranjës dhe ta asgjesonin plotësisht çetën e Oso Kukës që vazhdonte ta ruante me kokfortësi këtë kullë. 500 ushtarë malazez e rrethuan dhe sulmuan kullën e Vranjës që mbrohej vetëm nga 25 trimat e Oso Kukës që luftoi me trimëri deri në momentin e fundit kur ju mbaruan të gjithë fishekët. i ndodhur i vetëm dhe pa municion për të vazhduar rezistencën e tij, ai hyp në katin e dytë të kullës dhe ju drejtua komandantit malazez Pera Djakoviç dhe i thotë: “Ndal atje Pera Djakovic, ju keni mallkimin tim. Besoj se asnjëherë nuk keni parë një shqiptar të vetesakrifikohet kështu për vend të vet!“” dhe mbas këtyre fjalëve e gjithë kulla e Vranjës u hodhë në erë dhe bashkë me trimin Oso Kuka gjetën vdekjen edhe 500 ushtarët malazez që kishin rrethuar këtë kullë”.
Discussion about this post