Ngjarja e rëndë e ndodhur ditën e enjte ku të paktën 10 persona, shumica pjesëtarë të fisit Rraja, dhunuan me shkopinj bejsbolli e gome, si dhe me qyta armësh, dy qytetarë, për arsyen e vetme se ishin ankuar dhe kishin protestuar kundër një guroreje që po u shkatërronte banesat.
Pamjet e dhunës shtazarake të publikuara kanë shkaktuar reagime të shumta në rrjetet sociale, por edhe mediat e vendit, ndërsa Policia tha se ka arrestuar 4 persona, ka në kërkim 3 të tjerë,. Në anën tjetër Ministri i Brendshëm garanton se askush nuk është bën ligjin, edhe pse rezulton e kundërta.
Pamjet janë publikuar edhe nga deputetja e PD-së, Flutura Açka, e cila përmes rrjeteve sociale shkruan “këta janë hambari i votave socialiste në Krujë. Së shpejti do të jenë edhe vetë deputetë. Atdheu në rrezik”.
Discussion about this post