Dritmir Beci i është bashkuar skuadrës së Vllaznisë, e cila në 13 korrik përballet me ekipin e Lindfill në kompeticionin e Conference League.
Qendërmbrojtësi shkodran ka mbyllur aventurën e tij me Skënderbeun dhe duket se shumë shpejt do të zyrtarizohet si futbollisti më i ri i Vllaznisë.
Lidhur me ndeshjen e turit të parë të Conference League, trajneri Migen Memelli tha se Vllaznia ka një grup kompetitiv dhe me pak impenjim, mund të arrijë gjëra të mëdha në këtë fushatë të eliminatoreve të Konference League. Ai kërkoi nga të gjithë që të japin maksimumin dhe të punojnë me të njëjtin ritëm si gjatë përgatitjeve në Bosnjë.
Ai kërkoi që skuadra të ketë përqendrim tani vetëm te përballja e parë e Konferenca Ligës. Më pas ekipi u stërvit normalisht dhe i gjithë grupi dukej se gëzonte një gjendje optimale. Po ashtu stafi teknik ka një detyrë të vështirë për ta konturuar ekipin dhe të nxjerrë edhe 11 lojtarët më të mirë të mundshëm.
Discussion about this post