Futbollisti shqiptar, Marash Kumbulla po përjeton momente të arta në jetën private dhe atë profesionale.
Vetëm pak ditë pasi u bë baba për herë të parë, mbrojtësi kuqezi ka rinisur edhe stërvitjen pas dëmtimit të rëndë të pësuar në pjesën e fundit të sezonit të kaluar.
Mbrojtësi i Kombëtares Shqiptare ka nisur punën bashkë me El Shaarawy dhe Abraham në qendrën stërvitore të Romës “Fulvio Bernardini” në Trigoria duke i befasuar të gjithë pasi pritej që ai të kalonte edhe disa javë në infermieri.
Me këtë rikthim një sinjal pozitiv merr trajneri i Shqipërisë, Sylvinho i cili do ta ketë gati shtatlartin për sfidat jetike të shtatorit kundër Republikës Çeke dhe Polonisë.
Discussion about this post