Varianti i ri i koronavirusit “B1.1.529” ka mbërritur në Europë, duke përhapur panik te qytetarët. Mediet e huaja raportojnë se ditën e sotme është regjistruar rasti i parë më këtë virus në Belgjikë. Varianti i ri, B1.1.529 ka detyruar shumë shtete që t’i mbyllin kufijtë pasi që rastet e para u paraqitën në Afrikën e Jugut dhe me sa duket shumë vende të Europës janë drejt këtij vendimi.
Duke folur në një konferencë për media, ministri belg i Shëndetësisë, Frank Vandenbroucke, tha se një person në Belgjikë rezultoi pozitiv me variantin e ri dhe qeveria po përpiqet të marrë menjëherë masa.
Derisa numri i personave të infektuar me COVID-19 është duke u rritur me shpejtësi, ministri njoftoi se masat kundër pandemisë në Belgjikë po ashtu do të ashpërsohen. Ai shtoi se ndalesa për udhëtime nga shtetet jug-afrikane gjithashtu do të hyjë në fuqi.
Ministri tha se masa më të ashpra kundër pandemisë do të vendosen edhe për sektorin e gastronomisë. Derisa klubet e natës do të mbyllen tërësisht, restorantet e kafenetë do të mbyllen nga ora 23:00. Sipas të dhënave të fundit nga autoriteti shëndetësor belg, më shumë se 25 mijë raste të reja në ditë po raportohen në Belgjikë, më shumë se në çfarëdo kohe tjetër që nga shpërthimi i pandemi Varianti më i ri i koronavirusit u identifikua fillimisht në Afrikë të Jugut dhe besohet se ka mutacione të shumta që do të mund të mposhtnin sistemin imunitar të njerëzve shumë më shpejt.
Discussion about this post