Ish-Kryeministri, Sali Berisha, është përfshirë sot në një aksident. Teksa po kthejë nga takimi që pati në Laç me simpatizantët e tij, dy makina të eskortës që shoqëronin Berishën janë përplasur me një makinë të tretë në aksin Milot-Mamurras. Si pasojë e aksidentit kanë mbetur të plagosur tre persona, ndërsa gjendja shëndetësore e Sali Berishës është e mirë dhe raportohet se ai nuk ka pësuar asnjë dëmtim.
Ende nuk dihen shkaqet e këtij aksidenti, por nga pamjet e publikuara dyshohet se një automjet po ecte në shpejtësi tej normave të lejuara dhe në krah të kundërt, çka solli përplasjen me dy makinat e eskortës. Bëhet me dije se dhe tre të lënduarit e tjerë janë jashtë rrezikut për jetën dhe janë dërguar në spitalin e Laçit për të qenë nën kujdesin e mjekëve. Sakaq, policia ka mbërritur në vendngjarje ku dhe po hetohet për të zbuluar shkaqet e vërteta të aksidentit.
Discussion about this post