Digjet shtëpia në Gjirokastër, brenda shkrumbohet çdo gjë

Një apartament në Pazarin e Gjirokastrës është shkrumbuar nga flakët , ndërsa fatmirësisht nuk ka pasur të lënduar, por vetëm dëme materiale.

Ngjarja ka ndodhur pasditen e sotme ku si pasojë e një problematike në linjën e energjisë elektrike, ka marrë fillimisht flakë kasa elektrike e apartamentit dhe më pas zjarri është shpërndarë në gjithë banesën.

Menjëherë në vendngjarje kanë mbërritur forcat zjarrfikëse. Por në momentin kur forcat zjarrfikëse kanë arritur në vendngjarje, gjithçka ishte bërë shkrumb e hi.