Ngjarja që ndodhi këtë mbrëmje në Deçan ka tronditur Kosovën dhe të gjithë Shqipërinë, pasi mbetën të vrarë tre persona mes tyre 2 nxënës. Sakaq, mediet kosovare kanë nxjerrë disa pamje ku duket se, kufomat e personave që mbetën të vdekur në këtë tragjedi janë larguar nga Spitali i Pejës pak minuta më parë.
Në pamjet e publikuara shihet se si mjekët largojnë kufomat. Kujtojmë se nga kjo tragjedi mbetën të vdekur dy nxënës dhe shoferi i autobusit, për shkak se një person i paidentifikuar ka ndalur autobusin plot me nxënës në mes të rrugës dhe menjëherë ka qëlluar me breshëri plumbash drejt tyre, më pas është larguar menjëherë nga vendngjarja.
Autori ka qenë i armatosur mirë dhe i maskuar, ndërsa autoritet kosovare bëjnë me dije se janë në kërkim intensiv për të bërë të mundur kapjen sa më parë të tij.
Discussion about this post