Mësuesja e nxënëses së vrarë në Deçan: Mallkuar qofsh o kriminel qe ma ndave Gentën nga klasa

Nëpërmjet një postimi në facebook, ka reaguar profesoresha e vajzës që mbeti e vrarë nga sulmi me armë në Gllogjan të Deçanit.

“Mallkuar qofsh o kriminel qe ma ndave Gentën nga klasa. Pushofsh ne Paqe maturantja ime e bukur. Ngushëllime familjes Mustafa dhe të gjithë atyre qe sonte humben fëmijët e tyre” – ka shkruar Melita Cula.

Ledion Hamzaj dhe Gentiana Mustafaj, dy nxënësit që humbën jetën pas sulmit me armë ndaj autobusit në Gllogjan të Kosovës. Bashkë me ta viktimë ka mbetur edhe shoferi i autobusit, shtetasi Gani Gjokaj.

Mbrëmjen e kësaj të premteje (26 nëntor) persona të maskuar dhe të armatosur sulmuan me armë një autobus që po transportonte nxënës. Si pasojë, 3 mbetën të vrarë ndërsa dy të tjerë të plagosur.

Ndërkohë zëvendëskomandant i Policisë në rajonin e Pejës, Veton Elshani, ka thënë se nuk ka arsye të besohet se të shtënat në Deçan, që morën jetën e tre personave, lidhen me ndonjë akt terrorist.