Interi ka zyrtarizuar këtë nënshkrimin me një qendërmbrojtës të ri gjerman, i cili shquhet për forcën e tij fizike, si në mbrojtje ashtu edhe në sulm.
Ai është Yann-Aurel Bisseck, 22-vjeçar, i blerë nga Aarhusit danez. Ai mbërrin te klubi ‘zikaltër’ pasi u transferua për shtatë milionë euro dhe firmosi deri në qershor 2028.
I lindur në Këln, më 29 nëntor 2000, nga prindër kamerunas, Bisseck është një qendërmbrojtës i fuqishëm 196 centimetra i gjatë, i cili bëri debutimin e tij për ekipin e parë të FC Cologne në 2017, në moshën vetëm 16 vjeç e 11 muaj, kundër Hertha Berlinit, duke u bërë debutuesi më i ri gjerman në historinë e Bundesligës.
Kthesa përfundimtare e tij erdhi në verën e vitit 2021, kur FC Cologne ia shiti Aarhus-it për pak më shumë se gjysmë milioni euro.
Bisseck shpërtheu në Danimarkë dhe luajti 68 ndeshje në dy vjet (gjashtë gola dhe tre asistime), duke u vendosur si një shtyllë e ekipit skandinav. Ai është gjithashtu një lojtar i U-21 me Gjermaninë.
David Nielsen, trajneri i tij i parë në Aarhus, kohët e fundit deklaroi se Bisseck është prototipi i mbrojtësit modern, një “mal në këmbë” i vërtetë.
Tani ka ardhur koha që Yann-Aurel të fillojë aventurën e tij të re ‘zikaltrit’.
Discussion about this post