Ditën e djeshme u bë i ditur lajmi se reperi Fero kishte dhunuar dhe kërcënuar partneren e tij Arbenitën, të cilës i kishte thënë edhe shprehimisht “Do të të vras nëse ma merr vajzën”.
Arbenita ishte larguar nga banesa ku ata bashkëjetonin në Gjilan dhe kishte kërkuar ndihmën e Policisë së Shtetit.
Prokuroria Themelore në Gjilan ka bërë kërkesë pranë Gjykatës Themelore në Gjilan, për caktimin e masës së paraburgimit ndaj reperit Feronit Shabani, i njohur me emrin “Fero”.
Lajmi është bërë i ditur për “Betimi për Drejtësi”, nga zëdhënësja e Prokurorisë Themelore në Gjilan, Liridona Xheladini.
Xheladini tha se reperi Fero dyshohet për veprën penale “Dhunë në familje”.
“Ndaj të njëjtit është kërku masa e paraburgimit për veprën penale Dhunë në familje”.
Discussion about this post