Ironia e Alizotit me Bashën: Vjen si Zelensky, është Sandokani…

Deputeti demokrat Tomorr Alizoti ka ironizuar rikthimin e Lulzim Bashës, i cili kandidon për kreun e PD-së zyrtare më 29 korrik.

I ftuar në Panorama TV, Alizoti u shpreh se “këto bishtat që do vijnë me 30 do na dëmtojnë”. Në vijim ai e quan Bashën një Sandokan që do të vijë nga deti, ndërsa më pas me ironi e krahason me Zelensky që do shfaqet në krye të PD.

“Sot opozita është e domosdoshme, por është e ndarë në 3 blloqe. Pa ardhur edhe ai në mes të vapës që do bëhet kryetar.

Ka ardhur në mes të vapës ai do të bëhet kryetar, ai nuk punon në opozitë, nuk erdhi të thotë dy fjalë atje, është Sandokani nga deti.

Jemi në një kaos total, që i shërben autokracisë. Do zgjidhet kryetar partie në kokërr të vapës, me 30 korrik vjen Zelensky në krye të PD-së, është ushtarak nga natyra, fighter (luftëtar).

PD nuk ka problem lidershipi, por të ndërtojë alternativë të re.

Me këto bishtat që do vijnë me 30 do na dëmtojnë, e shikoj dëmin më të madh, e shikoj dëmin në nivel kombëtar”, tha Alizoti.