Në kulmin e debateve për ish-zv.Kryeministrin Arben Ahmetaj, për të cilin SPAK kërkon nga Kuvendi autorizim për ta arrestuar, Taulant Balla, i dekretuar si ministër i Brendshëm, ka ftuar opozitën që të tregojë vullnet për të ccuar përpara Reformën Zgjedhore.
Balla është shprehur se mazhoranca është e gatshme që të gjitha rekomandimet e OSBE/ODIHR të zbatohen, si dhe ka nënvizuar se depolitizimin e Komisioneve Zgjedhore.
Gjithashtu Balla tha se mazhoranca ka vullnetin për t’i mundësuar shqiptarëve që jetojnë kudo në Botë të kenë vendimmarrjen e tyre për çfarë ndodh në Shqipëri në zgjedhjet e përgjithshme të vitit 2025.
“Është koha e duhur që në shtator Kuvendi i Shqipërisë të çojë përpara me një ritëm tërësisht të ri Reformën Zgjedhore dhe përgjegjësia këtu doni apo s’doni është e opozitës.
Ne jemi të gatshëm, e kemi thënë prej ditës së parë që gjitha rekomandimet e OSBE/ODIHR-it ti çojmë përpara.
Personalisht vazhdoj të insistoj se depolitizimi i komisioneve zgjedhore është një domosdoshmëri. Administrimi i zgjedhjeve nga persona apolitikë, është një model i cili garanton sukses dhe një përshpejtim të daljes së rezultatit zgjedhor.
Gjithashtu duhet të adresojmë vendimin e Gjykatës Kushtetuese për të garantuar që në prill apo deri në mes maji të vitit 2025 ne të kemi mundësinë që motrat dhe vëllezërit tanë që jetojnë jashtë territorit kudo në të gjitha kontinetet, të kenë mundësinë të votojnë dhe kjo votë shumë mirë mund të realizohet nëpërmjet votimit me postë. Po të kemi parasysh shpërndarjen e madhe që ka sot diaspora shqiptare dhe prandaj nëse unë do të kisha qënë sot Kryetari i Grupit Parlamentar të opozitës, deputet i thjeshtë i opozitës, do të isha ndalur pikërisht në këto çështje që lidhen me nevojën për të pasur gati rregullat e lojës në demokraci”, tha Balla.
Discussion about this post