Ish-zëvendëskryeministri, Arben Ahmetaj ka reaguar për herë të parë nga momenti që SPAK i kërkoi Kuvendit autorizimin për arrestimin e tij për aferën e inceneratorëve. Nëpërmjet një mesazhi dërguar drejtuesit të emisionin “Opinion”, Blendi Fevziui, Ahmetaj ka renditur arsyet se kur do të flasë për akuzat që janë ngritur ndaj tij.
Ai ka mohuar çdo akuzë që është ngritur ndaj tij, duke thënë se të gjitha të dhënat që kanë dalë nga dosja hetimore e SPAK, janë të pa vërteta. Nga mesazhi që ka dërguar Ahmetaj lë të kuptohet se nuk ka ndërmend të “dorëzohet”.
Mesazhi i Arben Ahmetajt
Do dal kur ju të lexoni dosjen.
Do dal kur ju të tregoni që akuzohem se kam pas njohje e shoqëri me një njeri që në atë kohë ka qenë njeri normal dhe në punet e veta.
Do dal kur të lexoni që akuzohem për korrupsion se ish gruaja ime ka shitur metra katrore në treg të lirë.
Do dal kur të kuptohet që bashkëjetuesja ime dhe familja e saj ka blerë me transaksion të pastër bankar një pronë.
Do dal kur të kuptoni dhe lexoni dhe faktoni se Klodian Zoto s’ka qenë kurrë po kurrë pronar i asaj prone që të ishte në gjendje që ta falte apo dhuronte.
Do dal kur të lexoni gjithë letrat e mia në favor të interesit publik si ato që shyqyr që dolën sot.
Do dal kur e vërteta të ketë marrë rrugë.
Do dal kur ju të bëni pyetje të verteta se ku ka favorizuar Arben Ahmetaj
Do dal kur ta kuptoni që s’kam pasur lidhje me procedurën.
Atëherë do dal.
Do dal kur të lexoni se ato biseda të 2012 janë komplet impotente në aspektin e lobimit apo favorizimit, aq më tepër në opozitë.
Discussion about this post