Rusia ka dyshime se Turqia mund të devijojë nga linja e NATO-s në lidhje me anëtarësimin e Suedisë në aleancë, tha të premten zëdhënësja e Ministrisë së Jashtme ruse Maria Zakharova, duke treguar pakënaqësinë e Rusisë me ndryshimin e qëndrimit të Turqisë, gjatë Samitit të NATO-s.
“Turqia është anëtare e NATO-s dhe voton, merr vendime, merr iniciativa për axhendën e NATO-s. Ne nuk duhet ta harrojmë këtë, ndaj ju bëj thirrje ta mbani mend këtë.
Turqia është anëtare e NATO-s dhe gjithashtu ka infrastrukturën e NATO-s në territorin e saj,” tha ajo.
Sipas përfaqësuesit të diplomacisë ruse, anëtarësimi i Finlandës dhe Suedisë në Aleancën e Atlantikut të Veriut ndryshon ekuilibrin e fuqisë në rajonin europian dhe krijon kërcënime si për sigurinë e Federatës Ruse dhe “sigurinë në përgjithësi, duke pasur parasysh fuqinë shkatërruese që NATO ka”.
“Kjo, natyrisht, do të ndikojë, siç ka thënë vazhdimisht lidershipi rus, në vendimet e marrë ana jonë”, shtoi Zakharova, duke kërcënuar praktikisht se do të merrte kundërmasa.
Discussion about this post