Gjithë vitin arsimor studentët, por edhe gjimnazistët e shkollave profesionale e kalojnë dimrin në kushte skandaloze, ndërsa tani Veliaj kujtohet për disa riparime fasadë. Kjo ndodh se projektet që zhvillon Lali Eri i ka më shumë me fokus tek përvetësimi i fondeve, sesa tek investimet për studentët. Kjo duket që në lidhjen e kontratave, ku shpenzon miliarda lekë që nuk sjellin shërbimin për komunitetin.
Njësoj po procedohet edhe me tenderin me objekt “Ndërtim çati e re për Konviktin Ekonomik, Bashkia Tiranë”, për të cilin do të shpenzohen 324 milionë lekë .
Ky konvikt është rikonstruktuar njëherë në fund të vitit 2016 dhe që atëherë nuk është vënë dorë, sepse Veliaj asaj kohe dha sigurinë që godina është në gjendjen më të mirë të mundshme. Ndërsa tani, pas 7 vitesh është kujtuar se i mungon diçka.
Bashkia po mendon t’i ndërtojë një çati dhe vetëm për çatinë e kësaj godine po hidhen në erë milionat.
Por, në fakt kjo vlerë e lartë është përcaktuar në saj të fituesit dhe jo të shërbimit, sepse do të shohim që ky tender është bërë dhuratë për dy biznesmenët e paracaktuar.
Sepse siç e shohim në dokument, pa garë të rregullt dhe me vlerën më të lartë, tenderin e ka fituar bashkimi i operatorëve “I 2 A” shpk në pronësi të Nustret Nelës dhe “VALONA KONSTRUKSION” shpk, në pronësi të Besnik Lulajt.
Në fakt, për këtë tender kanë shfaqur interes edhe 6 operatorë të tjerë, madje dy prej tyre kanë ofertë rreth 110 milionë lekë më lirë se fituesi. Këta janë përjashtuar menjëherë në fazën e parë, edhe pse kishin oferta më të lira. E thjeshtë, këto para i ishin premtuar Besnik Lulajt!
Ai është pronari i kazinosë “Marina Bay”- Vlorë, por sipas akuzave në mediat ndërkombëtare, pas kësaj lavatriçeje qëndron karteli meksikan që pastron para “El Chapo”.
Sipas të dhënave të QKB-së, kazino “Entertainment & Gaming Sh.A” figuron në pronësi të Lulajt, por edhe të mafiozit së drogës Luftar Ali Hysa, për të cilin mediat meksikane kanë shkruar se është i përfshirë në Kartelin e Sinaloas. Në fakt edhe Lulaj edhe Hysa janë përfolur se janë kanë ngritur kazinonë për të pastruar paratë e drogës. Biznesi i tyre, prej kohësh mbështetet nga Rilindja, prandaj edhe SPAK nuk i vë re këto abuzime me tenderët.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post