Cristiano Ronaldo është një nga futbollistët më të diskutuar jo vetëm për lojën që bën, por edhe për jetën jashtë fushës së blertë e për kujdesin që tregon ndaj vetes për të qenë gjithmonë në formë.
Së fundmi në dokumentarin ‘All or Nothing’ të Juventus është zbuluar kujdesi që portugezi tregon në çdo detaj sado minimal që duket.
Përveç palestrës dhe dietave strikte ushqimore, sulmuesi ka zbuluar se edhe minutat e qëndrimit në diell i ka të numëruara.
“Unë marr rreze dielli 20 minuta në ditë dhe e di se do të më ndihmoj. Dielli i bën mirë trupit tim. 30 minuta më bëjnë akoma edhe më mirë, vetëm jo më shumë se kaq pasi nuk do të ndihmonte pastaj dhe do të më jepte probleme me lëkurën. Unë tashmë jam 36 vjeç dhe sërish jam këtu, protagonist”,- deklaron portugezi./K.T/Gijotina.com
Discussion about this post