PSG po tenton të surprizojë Bayern Munchen në lidhje me Harry Kane. Sulmuesi dhe kapiteni i Tottenhamit, është objektivi kryesor i kampionëve të Gjermanisë për majën e sulmit.
Bavarezët kanë prezantuar dy oferta zyrtare deri tani për 29-vjeçarin. E fundit mbi 80 milionë euro, por presidenca e Tottenhamit i ka refuzuar. Pasi kërkon minimalisht 100 milionë euro për të lënë të lirë lojtarin më të mirë të skuadrës.
Kane ka edhe një vit kontratë me Spurs. Dhe në Gjermani janë të sigurt në faktin që presidenti Daniel Levy do të dorëzohet. Pasi nuk mund të humbasë një futbollist të tillë me parametra zero në qershorin e vitit të ardhshëm.
Por, garës i është bashkuar edhe PSG. Luis Enrique e pëlqen shumë kapitenin e Tottenhamit dhe të kombëtares angleze. Dhe drejtuesit e kampionëve të Francës po përgatisin një ofertë të majme për të dhe klubin e Tottenhamit.
Bayerni mbetet zgjedhja e parë e goleadorit anglez, por përfshirja e PSG-së në garë mund të ndryshojë gjithë skenarët. Dhe Kane mund të përfundojë në kryeqytetin francez.
Discussion about this post