Gjykata Themelore në Prishtinë ka marrë vendim për lirimin e ish-drejtorit të Kadastrës në Komunën e Mitrovicës, Hysen Muzliukaj, dhe ish-nënkryetarit Faruk Mujka.
Të njëjtit janë arrestuar një ditë më parë për keqpërdorim të pozitës zyrtare. Arrestimit të Mujkës dhe Muzliukaj i parapriu një bastisje në pronat e tyre të përbashkëta.
Gjatë bastisjes, u sekuestruan 60 mijë euro, telefona, kompjuterë personale, USB dhe dokumente tjera të ndryshme lidhur me rastin.
E gjykata njoftoi të shtunën se “gjyqtari i Procedurës Paraprake e ka refuzuar si të pa bazuar kërkesën e Prokurorisë Speciale të Republikës së Kosovës për caktimin e masës së paraburgimit kundër të pandehurve F.M dhe H.M, ashtu që ka vendosur se të njëjtit do të mbrohen në liri”.
“Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë”, thuhet në komunikatën për media.
Discussion about this post