Stadiumi i Kukësit është thuajse gati dhe tashmë po pritet të inaugurohet. Megjithatë ditën e sotme klubi i Verilindorëve ka zbuluar se stadiumi i tyre nuk do të quhet më ‘Zeqir Ymeri’, por tashmë do të mbajë emrin ‘Kukësi Arena’.
Ky lajm është bërë publik nga vetë klubi i qytetit verilindor në një postim në rrjetet sociale, ku ndër të tjera ka zbuluar se edhe secila tribunë do të ketë një emër të veçantë, teksa ‘Zeqir Ymeri’ do të jetë emri i një prej pjesëve të tribunës qendrore.
Ndërsa në fund ka bërë me dije se fusha stërvitore do të mbajë emrin “Kompleksi Stërvitore Ilirjan Thaçi”, në nder të lojtarit 17-vjeçar që humbi jetën gjatë një ndeshjeje miqësore më të rinjtë e Kukëist./K.T/Gijotina.com
Discussion about this post