Kreu demokrat Sali Berisha ka reaguar përmes rrjeteve sociale lidhur me atë se ccfarë ndodhi në Rrogozhinë, ku njerëz të afërt të Kryebashkiakut Edison Memolla, i cili rikandidon në 23 korrik për një tjetër mandate, kanë kërcënuar grupin e xhirimit të Syri Tv.
Ndërsa ka publikuar videon nga incidenti që ka ndodhur, Berisha shkruan “mafie e poshtër e Erion Velisë, shikoni si kërcënon gazetarët!”.
Sot, policia e Rrogozhinës ka shoqëruar Arif dhe Agim Memollën, xhaxhallarët e kandidatit të Edi Ramës, Edison Memolla, sepse kanë kërcënuar grupin e xhirimit të SYRI TV.
Shoqërimi i tyre erdhi pas denoncimit të medias për kërcënimet e bëra sot në Rrogozhinë.
Sipas denoncimit të televizionit, grupi i xhirimit ndodhej në Rrogozhinë për të transmetuar se si shkelet ligji, pasi kandidati i Ramës për zgjedhjet e 23 korrikut, Memolla kishte thirrur nën presion, në një drekë mësues, mjekë, administratë e zyrtare të tjerë dhe sipas tyre, prania e kameras nuk u ka pëlqyer familjarëve të Memollës dhe miqve të tij, duke kërcënuar më pas gazetarët.
Discussion about this post