Këtë të dielë skuadra e Dinamos do të ndeshet me Kastriotin për javën e 10 të Superligës. Kjo ndeshje do të zhvillohet në stadiumin ‘Elbasan Arena’ në orën 13:45 dhe për këtë arsye klubi i kryeqytetit ka vendosur t’i vijë në ‘ndihmë’ tifozerisë së tij që të shohin ndeshjen nga afër.
Në një postim në rrjetet sociale, Dinamo bën me dije se do t’i ofrojë transportin tifozerisë së ‘Nëndetëses Blu’ për të shkuar në Elbasan.
“FK Dinamo ka kënaqësinë t’iu komunikojë se për ndeshjen e ditës së nesërme ka vendosur transport drejt qytetit të Elbasanit për të gjithë tifozët dinamovitë që do të jenë në përkrahje të skuadrës Blu! Nisja do të bëhet nga stadiumi “‘Selman Stermasi” në orën 11:30.”-shkruhet në reagimin e Dinamos.
Rikujtojmë se aktualisht kryeqytetasit renditen në vendin e 8 të tabelës së Superligës me 10 pikë, ndërsa kundërshtarët e tyre të kësaj sfide qëndrojnë të 7 me 1 pikë më shumë./K.T/Gijotina.com
Discussion about this post