Publikohen pamjet nga aksidenti i rëndë i ndodhur në autostradën Follorinë-Selanik, ku 5 persona që udhëtonin në një automjet me targa shqiptare humbën jetën pasi u përplasën me një kamion.
Viktimat dyshohet se janë të gjithë shqiptarë, edhe pse ende nuk janë identifikuar.
Sipas të dhënave të deritanishme të Protothema, një makinë me targa shqiptare, në të cilën ndodheshin të 5 viktimat, u përplas kokë më kokë me një kamion. Aksidenti tragjik ndodhi pranë qytetit verior të Edessa, në kilometrin e 87-të autostradës Folorina-Selanik.
Si shkaqet ashtu sikurse rrethanat e këtij aksidenti momentalisht nuk janë të qarta.
Megjithatë, dyshohet se shoferi i makinës ku udhëtonin viktimat humbi kontrollin e mjetit dhe përfundoi në kahun e kundërt të rrugës, duke i dalë para kamionit.
Të gjithë personat që ndodheshin në mjet gjetën vdekjen në vendin e ngjarjes. Për nxjerrjen e trupave të tyre u desh ndërhyrja e forcave zjarrfikëse, ndërsa policia në vendngjarje nisi hetimet për zbardhjen e rrethanave të këtij aksidenti. I plagosur nga përplasja mbeti edhe shoferi i kamionit, i cili u dërgua në spital.
Protothema shkruan se identiteti i viktimave nuk dihet ende, por thekson se ata janë të gjithë të huaj dhe se makina me të cilën udhëtonin ishte me targa shqiptare.
Discussion about this post