Lajmi se Komisioni Europian ka pezulluar grantet për bujqësinë nga programi IPARD, për shkak të korrupsionit dhe mos respektimit të procedurave ligjore nga AZHBR në shpërndarjen e tyre, po bën xhiron e mediave në vendin tonë.
Më datë 14 Korrik, në protokollin e disa institucioneve shqiptare mbërriti një letër nga Drejtoria e Bujqësisë dhe Zhvillimit Rural të Komisionit Europian, duke përfshirë Ministrinë e Bujqësisë, atë të Financave, AZHBR-në, Agjencinë Shtetërore të Programin Strategjik dhe Koordinimit të Ndihmës të Ilir Beqjas.
“Për të mos lejuar abuzimin e mëtejshëm të fondeve dhe për të mbrojtur interesin e taksapaguesve të Bashkimit Europian, ju njoftojmë se kemi vendosur të pezullojmë disbursimin e transhit të mbetur të programit IPARD për Shqipërinë derisa autoritetet shqiptare të përmbushin të gjitha kushtet dhe mangësitë e evidentuara,” shkruhet në letrën e Wolfgang Burtscher, drejtorit të përgjithshëm të DG AGRI, siguruar nga Oligarkia.al.
Por kush duhet të kontrollonte e monitoronte këto fonde?
Ish-deputeti socialist Ilir Beqaj drejton prej Nëntorit 2021 Agjencinë Shtetërore të Programin Strategjik dhe Koordinimit të Ndihmës, e njohur edhe si State Agency for Strategic Programming and Aid Coordination, (SASPAC), në varësi të Kryeministrit.
Ilir Beqja është krye-monitoruesi i shpenzimit të fondeve që Bashkimi Europian jep për asistencë në vendin tonë.
Ky institucion, referuar ligjit, ka vetëm rol koordinues, ndërsa fondet e ndihmave që i vijnë Shqipërisë nga aleatët menaxhohen të gjitha nga institucioni final që i merr. Agjencia në bashkëpunim me Ministrinë e Financave dhe komunitetin e donatorëve koordinojnë të gjithë ndihmën e huaj që me qeveria shqiptare për programe dhe projekte zhvillimore.
Fondet e huaja është raportuar se kapin vlerën e 1 miliardë eurove në vit dhe prej gati dy vitesh ato “kalojnë” në duart Ilir Beqajt, jo pak i akuzuar gjatë kohës kur ishte ministër i Shëndetësisë për afera disa dhjetëra-miliona euro nga opozita.
Muaj më parë Ilir Beqaj nuk ka pranuar të marrë mandatin e deputetit të Shkodrës, pas kandidimit të socialistit Benet Beci për Bashkinë e kryeqendrës së veriut. Sipas listës, mandati i takonte atij por Beqaj zgjodhi të mos e pranonte, duke qëndruar në krye të Agjencisë Shtetërore të Programit Strategjik dhe Koordinimit të Ndihmës.
Discussion about this post