Real Madridi ka marrë një propozim goditës në orët e fundit, i vetëdijshëm se transferimi i Kylian Mbappe mund të jetë më afër se sa duket dhe çfarë tregohet në disa media.
Sipas asaj që ka mësuar “Defensa Central”, Real Madridi ka marrë një propozim të mrekullueshëm. Afrimi i mundshëm i Kylian Mbappe do të bëjë që një kompani ndërkombëtare, me bazë në Shtetet e Bashkuara, të vendoste emrin e saj në stadiumin Santiago Bernabeu.
Kjo marrëveshje komerciale me klubin mbretëror do të shkaktonte ndryshimin e emrit të stadiumit ikonik të futbollit botëror, por në këmbim do të bënte që klubi të fitonte rreth 35-40 milionë euro në sezon.
Edhe pse duket një marrëveshje e pranueshme, duke marrë parasysh kohët aktuale në futbollin elitar, bordi drejtues i drejtuar nga Florentino Pérez e ka hedhur poshtë këtë qasje.
Nuk preket emri i stadiumit “Santiago Bernabeu”, ‘shtëpia’ e të gjithë tifozëve të Real Madridit. Florentino Pérez është takuar sërish me drejtuesit dhe ata kanë aprovuar një rezolutë që do ta lërë emrin e impiantit ashtu siç është.
Nuk është hera e parë që ndodh. Në vitin 2013, Microsoft u përpoq të nënshkruante një marrëveshje praktikisht identike me Real Madridin për të ndryshuar emrin në stadiumin Microsoft Santiago Bernabéu, një propozim që nuk pati sukses: anëtarët e bordit nuk duan të ‘njollosin’ emrin e stadiumit me ndonjë ‘mbiemër’ reklamë. Pavarësisht se ka shumë para në lojë, si në vitin 2013 ashtu edhe tani, kjo gjë nuk ka shans të bëhet.
Kjo rritje e mundshme ekonomike mund të ishte e dobishme, pavarësisht nga ndryshimi i emrit të stadiumit Santiago Bernabeu, për të financuar transferimin e Kylian Mbappé te Real Madridi dhe të gjitha shpenzimet që rrjedhin nga nënshkrimi i një prej kontratave më të mëdha ndonjëherë për një sportist. Megjithatë, vullneti i bordit të drejtorëve është i qartë: Santiago Bernabéu nuk preket.
Discussion about this post