E ardhmja e sulmuesit francez, Kylian Mbappe, është më në pikëpyetje se kurrë. Një herë fituesi i Botërorit mund të largohet nga PSG-ja këtë verë për t’iu drejtuar Real Madridit. Florentino Pérez është i vetëdijshëm për dëshirën e lojtarit, i cili, nga ana tjetër, thuhet se ka një ndjenjë të madhe faji.
Mbappe dhe Real Madrid duket se ecin krah për krah, ata janë të destinuar të bashkohen, herët a vonë. Në fakt, ne jemi “zhytur” në një kapitull të ri të kësaj telenovele të përjetshme. Ylli francez mbetet i vendosur në pozicionin e tij për t’u larguar nga PSG në vitin 2024, një vendim që nuk është pritur mirë nga bordi i drejtorëve të skuadrës pariziene. Për këtë arsye, ultimatumi i Al-Khelaifi ka qenë i qartë: rinovim ose shitje.
Sigurisht, nuk është hera e parë që e ardhmja e Mbappes lidhet me Real Madridin. Vitin e kaluar, sulmuesi francez e kishte në dorë për të zbritur në Madrid, por përfundoi duke iu dorëzuar presionit të Katarit dhe presidentit të Republikës Franceze. Kylian Mbappe, sapo nënshkroi rinovimin deri në vitin 2024, e kuptoi gabimin e rëndë që bëri. Futbollisti la të kalonte trenin e Real Madridit dhe tradhtoi Florentino Pérez. Pavarësisht kësaj, presidenti madrilen nuk ndalet në përpjekjet e tij.
Florentino nga prapavija po bën gjithçka që lojtari të nënshkruajë për mbretërorët, këtë verë. Për më tepër, një nga rrëfimet që e ka prekur më shumë Perezin në këtë rubrikë është pranimi se Mbappé tashmë ka filluar të pendohet… që nuk ka nënshkruar më herët për Madridin, lojtari tashmë ndjen se ka humbur të paktën një ose dy vite të karrierës, duke mos firmosur për Realin e Madridit.
Real Madrid fillon t’i dërgojë një mesazh të qartë Mbappes dhe rrethit të tij: tani ose kurrë. Për momentin, lojtari nuk ka rinovuar kontratën, pasi dëshiron të nënshkruajë për bardhezinjtë verën e ardhshme.
Por, përballë ultimatumit të Al-Khelaifi, Florentino ka frikë se Mbappé do të nënshkruajë sërish një kontratë që do ta dënojë atë të qëndrojë përgjithmonë në PSG. Për këtë arsye, klubi i bardhë e di se numërimi mbrapsht ka filluar.
Discussion about this post