Sarah dhe DJ PM janë dy nga personazhet më të komentuar të “Big Brother VIP” nëpër mediet rozë, për shkak të puthjes që ata shkëmbyen mes njëri-tjetrit.
Afrimiteti mes tyre u duk dhe ditët në vazhdim, ku nuk kanë munguar as përkëdheljet e as puthjet. Për shkak të lidhjes që ata kishin, bëri që edhe një pjesë e publikut të mendojë se mes tyre po lindte çifti i parë.
Mirëpo, DJ PM gjatë javës ka deklaruar se nuk do të ketë një lidhje mes tyre brenda shtëpisë, madje edhe ditën e sotme ai shprehet se emocionet për Sarën kanë ndryshuar.
Ai ka këshilluar Sarën që të ndalojë së influencuari nga fjalët dhe kritikat e banorëve.
‘’Boll dëgjove njerëzit, ti mjafton të dëgjosh një fjalë dhe e kthen mendimin brenda minutit. Unë nuk ia jap këtë kënaqësi njerëzve, më mirë të dal që nesër dhe të eci me kokën lart sesa të më thonë që ishe lojtar, i shtirur apo i paqëndrueshëm’’- tha ai.
Nga ana tjetër ai u ndal edhe tek ndjenjat që ka tanimë përballë vajzës së cilës i shprehu ndjenjat që sapo hyri në shtëpinë e ‘’Big Brother VIP’’.
‘’Më ke puthur e pranoj, nuk po them që nuk e kam ndjerë por ndjenjat edhe ndryshojnë, e thash edhe gjatë spektaklit dhe nuk kam pse dëgjoj askënd’’- shtoi ai.
Discussion about this post