Policia e Spanjës ka arrestuar dy persona të përfshirë në një aksident trafiku të ndodhur në qytetin e La Zubia, i pari për tentativë grabitje dhe i dyti për krim kundër shëndetit publik për trafik droge.
Në pranga ka rënë një shtetas shqiptar 27-vjeçar dhe një djalë 24-vjeçar spanjoll, me precedentë të mëparshëm penal. Në këtë aksion, Policia ka sekuestruar 11.5 kilogramë marijuanë që shqiptari i ndaluar ka rrëfyer se sapo e kishte blerë në Las Gabias dhe se po e transportonte në Alicante.
Ngjarja ka ndodhur rreth orës 13:30 të datës 24 nëntor në afërsi të një qendre të njohur tregtare në La Zubia. Një patrullë e Policisë në këtë qytet është lajmëruar për të shkuar në atë vend pasi kishte ndodhur një aksident me disa automjete të përfshira. Agjentët verifikuan se kishte ndodhur një përplasje mes një makine pasagjerësh dhe një fugon.
Ky i fundit është përmbysur në rrugë dhe shumë shpejt kanë kuptuar se ka qenë tentativë për vjedhje marijuanë. Policia zbuloi gjithashtu se i riu spanjoll po kontrollohej nga Gjykata e Instruksionit numër pesë e Granadës, e cila urdhëroi kontrollin, arrestimin dhe paraqitjen e tij në gjykatën në fjalë.
Discussion about this post