Tirana ka siguruar biletën për në turin e dytë të UEFA Europa Conference League duke triumfuar me shifrat 2-1 ndaj Dinamos së Batumit, në takimin e luajtur në Gjeorgji.
Ky ishte një sukses shumë i rëndësishëm për bardheblutë, të cilët tani do të masin forcat me një nga gjigandët e futbollit ballkanik, si Beshiktashi i Stambollit.
Për sa i përket sfidës së zhvilluar në “Batumi Arena”, “matadorët” ndaj Dinamos, ishin Lushkja, i cili, në minutën e 28’, finalizoi në mënyrë perfekte një aksion model si dhe Deliu, i cili në minutën e 78’, goditi në mënyrë kirurgjikale nga brenda zonës duke i çuar shifrat në dy me zero.
Për gjeorgjianët golin e shënoi Kapanadze, në minutën e 90’.
Tirana tani, do të duhet të përgatitet shumë intensivisht, për duelin ndaj Beshiktash, që në krahasim me Dinamon, është një kundërshtar i një tjetër kalibri.
Tifozët e rekordmenëve të Shqipërisë, mezi po presin, që të mbushin stadiumin plot për këtë sfidë luksi, në turin e dytë të Conference League./m.b /gijotina.com
Discussion about this post